LU-MUN Holding hər zaman öz əməkdaşlarına sosial məsuliyyətli olmağı, dəyərli işlərdə könüllülük etməyi və cəmiyyətimizə hər imkanda müsbət təsir göstərməyi təşviq edir. Aşıladığımız bu dəyərlər həmişə harda olmağımızdan asılı olmayaraq bizi yaxşı işlər görməyə ruhlandırır.
Ətraflı
Fəaliyyətində təhsil sahəsinə xüsusi önəm verən LU-MUN Holding Korporativ Sosial Məsuliyyət çərçivəsində aztəminatlı ailələrə və təhsilə dəstək məqsədilə Gəncə, Neftçala, Bərdə, Ağdam və Tərtər regionlarında yaşayan aztəminatlı ailələrin 73 övladına məktəb çantaları və lazımi ləvazimatlar hədiyyə edib.
Ətraflı
Özünümüdafiə qızlar üçün yeni azadlıq mənbəyidir. Fiziki müqavimət bacarıqları potensial təhlükəli vəziyyətdə olanda qızlara özlərini daha inamlı və bacarıqlı hiss etməyə imkan verir. Təhlükəsizlik hər zaman prioritet məsələdir və hər bir qız və gənc qadın özünü müdafiə etmək üçün lazımi bacarıqları bilməyə layiqdir.
Ətraflı
Valideyn himayəsindən məhrum olmuş uşaqları uğurlu həyata hazırlamaq üzrə layihəmizin ayrılmaz bir hissəsi olaraq, biz onlarla davamlı olaraq söhbət edir və onları öz maraqlarını kəşf etməyə və arzularını həyata keçirmək üçün düzgün bacarıqları inkişaf etdirməyə təşviq edirik. Layihəmizin iştirakçılarından biri peşəkar aşpaz olmaq arzusunu bizimlə dəfələrlə bölüşüb. Biz bu arzunun puç olmasına heç cür razı ola bilməzdik, ona görə də ona kömək edəcək bir mentor tapmaq üçün yola düşdük!
Ətraflı
Valideyn himayəsindən məhrum olmuş həssas uşaqlara sağlam qidalanmanın əsasları və faydaları haqqında məlumat vermək üçün Azərbaycan Qida Təhlükəsizliyi Agentliyində çalışan Nərmin Axundovanı öz biliklərini uşaqlarla bölüşmək və daha sağlam seçimlər etməyə həvəsləndirmək üçün dəvət etdik. Sağlam qidalanma üzrə onlayn sessiyada beş müxtəlif uşaq müəssisəsindən olan 35-dən çox uşaq iştirak etdi.
Ətraflı
“Azerbaijan Fish Farm” ölkəmizdə bir sıra kiçik və orta balıqyetişdirmə təsərrüfatlarını körpə balıqlarla təmin etmişdir. Qeyd edək ki, “Azerbaijan Fish Farm”, balıqçılıq sahəsində çox qiymətli hesab olunan əlvan, həmçinin kəhraba forelin, eləcə də nəsli kəsilməkdə olan Xəzər qızıl balığının yetişdirilməsini uğurla davam etdirir.
Ətraflı
LU-MUN Holdinq yerli gənclərin inkişafına, müxtəlif kouçinq və mentorluq imkanlarının yaradılmasına, eləcə də bir sıra müxtəlif maarifləndirici təşəbbüslərə böyük diqqət ayırdığından, biz “Regional İnkişaf” İctimai Birliyinin könüllülərini qızılgüllərin yetişdirildiyi istixanamızı ziyarət üçün dəvət etmək qərarına gəldik. Səfər “Azerbaijan Flower Company” tərəfindən təşkil olunub. Könüllülər istixanaya baş çəkdilər, burada onlara çiçəkçilik sənayesi haqqında ətraflı məlumat verildi, həmçinin onlar istixana işinin gündəlik əməliyyatları ilə tanış oldular.
Ətraflı
Bizim məqsədimiz Azərbaycanda yaşayan uşaqlara alternativ təhsil imkanları yaratmaq, onları yeni sahələrlə tanış etmək, kənd təsərrüfatı, balıqçılıq kimi maraqlı sahələrə həvəsləndirməklə gələcək peşəkarları yetişdirməkdir. Təsərrüfatlara səfərlər yalnız istehsalat sahələri ilə tanış olmaq, bu sahələr haqqında məlumat verməklə kifayətlənmir, eləcə də gənc nəsillərə qidalandığımız məhsulların necə böyük zəhmətlə hazırlandığını və qidaya qarşı daha məsuliyyətli davranışları təbliğ edir.
Ətraflı
Azərbaycan Stolüstü Tennis Federasiyasının dəstəyi ilə uşaq müəssisələrində stolüstü tennisə marağı artırmaq, uşaqlarda sağlam vərdişlər yaratmaq, onların sağlamlığına müsbət töhfə vermək məqsədilə Gəncə, Şəki və Bakıda yerləşən 4 uşaq müəssisəsinə stolüstü tennis avadanlığı Azerbaijan Poultry Company əməkdaşları tərəfindən çatdırılmışdır. Stolüstü tennisin uşaqların yalnız fiziki sağlamlığına deyil, eləcə də motorika bacarıqlarının və analitik düşüncənin inkişafına da müsbət təsiri vardır.
Ətraflı
“Azərbaycan Respublikasının Təhsil Nazirliyi yanında Peşə Təhsili üzrə Dövlət Agentliyi” ilə “LU-MUN Holdinq” arasında gələcək əməkdaşlıq istiqamətlərini özündə ehtiva etdirən Anlaşma Memorandumu imzalanıb. Balıqçılıq, gülçülük, quşçuluq və ekoloji təmiz məhsulların istehsalı sahəsində fəaliyyət göstərən “LU-MUN Holdinq” ilə əməkdaşlıq memorandumunun imzalanmasında başlıca məqsəd aidiyyatlı sahələr üzrə peşə təhsili üzrə tədris proqramlarının və resurslarının təkmilləşdirilməsi, tələbələr üçün təcrübə proqramlarının təşkili, eləcə də, gələcək kadr ehtiyaclarının ödənilməsi istiqamətində birgə fəaliyyət göstərməkdir.
Ətraflı
LU-MUN Holding inanır ki, cəmiyyətin ahəngdar və tarazlı inkişafı üçün sosial və iqtisadi vəziyyətindən asılı olmayaraq, hər bir uşağın ən yaxşı təhsil almaq imkanı olmalıdır.
Ətraflı
Neftçala rayonunun Yenikənd kəndində onlarla uşağın arzuladığı uşaq meydançasını reallaşdırmaq məqsədilə ictimai ianə kampaniyası LU-MUN Holdinqin əməkdaşlarının təşəbbüsü ilə başladılmışdır. Bu təşəbbüsə Bakıdan, eləcə də ölkə xaricindən onlarla həmvətənimiz qoşulmuşdur
Ətraflı